என் உள்ளங்கை வியர்வையை
உன் விரல்களுக்கு மாற்றுதல்
பிடித்தமா
உடல் சூட்டை இதழேற்றி
நுதல் சேர்த்தல்
பிடித்தமா
இடம் பார்த்து வலம் பார்த்து
முகம் பார்த்தல்
பிடித்தமா
பேசியும் பேசாமல் இருத்தல்
பிடித்தமா
பேசாமல் பேசுதல்
பிடித்தமா
கண்ணின் கருவிழி
பிடித்தமா
அதை மூடிய இரு இமை
பிடித்தமா
கண் சிரிக்கும் பொய் கோபம்
பிடித்தமா
அகம் நொறுக்கும் ஆங்காரம்
பிடித்தமா
இடுப்போரம் இரு விரல்
பிடித்தமா
இரு கன்னம் இரு கைகள்
பிடித்தமா
சாலையோர சந்தடிகள்
பிடித்தமா
பூங்காக்களின் மறைவிடங்கள்
பிடித்தமா
காத்திருக்கும் தவிப்பனைத்தும்
பிடித்தமா
தவிக்க வைக்கும் காத்திருப்பு
பிடித்தமா
அகம் நனைக்கும் அவன் காதல்
பிடித்தமா
முகம் மலர்ந்த அவன் நினைவு
பிடித்தமா
தினம் நூறு கேள்வி
தான்
கேட்க பிடித்தமா
பதில் இன்றி
தான்
தவிக்க பிடித்தமா
உன் நினைவு அவன் நினைவாய்
இருந்து விடல்
பிடித்தமா
இரு நினைவும் ஒன்றென்றே
உணர்ந்து விடல்
பிடித்தமா
அவனின்றி உலகில்லை
என்பதில் பிடித்தமா
அவனில்லை என்றுணர்ந்து
மாய்ந்து போதல் பிடித்தமா
No comments:
Post a Comment